Logo dun ano da apertura do centro social Ágora na Coruña, a concelleira de Cultura, Ana Fernández, salientou o éxito deste espazo cultural. En total, pasaron polo espazo 230.000 e desenvolvéronse nas súas instalacións preto de 300 actividades, das que preto da metade foron conferencias e actividades de formación. A nivel de público, as propostas musicais foron as que tiveron máis éxito entre o público. Ademais, Fernández destacou a rápida aceptación da nova biblioteca aberta no centro, á que se adheriron tres de cada dez novos socios da rede de centros municipais do concello.
