Os máximos representantes da consellaría de Educación, o conselleiro Jesús Vázquez e o seu secretario xeral, Anxo Lorenzo, reuníronse onte coa xunta directiva da Academia Galega do Audiovisual para renovar o convenio de colaboración para a organización dos premios Mestre Mateo. Os premios, que recoñecen os mellores premios do audiovisual galego, entregaranse o vindeiro mes de marzo. A Televisión de Galicia emitirá esa gala.
Hai uns días, o web da Academia Galega do Audiovisual publicaba a relación de candidaturas aceptadas. Agora, os diferentes socios da Academia están a votar esas producións ata o día 31 e a mediados de febreiro coñeceranse os candidatos das diferentes categorías.
