Fermin Muguruza, Banda Fura Fura, Haydamaky, Slamboree ou o humorista Quequé son nomes xa confirmados para o Festival Reperkusión 2013. O evento celebrarase por segundo ano consecutivo no recinto da Cidade dos Muchachos de Bemposta, logo do éxito acadado na anterior edición. Será entre o 10 e o 12 de maio, e están xa á venda os abonos para todos os interesados en asistir. En vindeiras datas darase a coñecer o total de actividades e o cartel do evento.
