Cilindro de Cera marca Edison de 1904
Un cilindro de cera, gravado en 1902 por un tal Señor Campos para La Fonográfica Madrileña. Este é o tesouro da nosa música que se conserva nos fondos da Biblioteca Nacional e que agora se pode escoitar directamente na rede. Muñeira é o título dunha gravación realizada ao vivo e na que a voz semella acompañada por un piano. Segundo recolle o web da discográfica Ouvirmos, que deu conta do achado, este é o terceiro cilindro desta época que se coñece, canda a outro que recolle o tema Meus Amores do Señor Tabuyo e mais La Meiga de Guridi.
Os cilindros de cera mineral foron un dos xeitos máis habituais de realizar gravacións sonoras antes da popularización dos discos.
