Gañar espazo na área de aparcadoiro, realizar catas arqueolóxicas na área, preparar os camiños e rehabilitar a ponte que conectaba o castelo co muíño no río son algúns dos aspectos do plan de adecuación do contorno do castelo de Pambre que vén de aprobar o concello de Palas de Rei, en previsión do inicio da restauración do interior do monumento (que levará a cabo a Xunta de Galicia) unha vez finalizada a adquisición da emblemática fortaleza. En total, o concello aprobou un investimento de 130.000 euros nestas obras.
