Unha exposición recupera as fotografías do Prestige

Esta mañá abría as súas portas no Museo Provincial de Lugo a exposición Nunca Máis, a rebelión dun pobo. O proxecto, comisariado por Uxío Breogán Diéguez, recolle as imaxes de oito fotógrafos arredor da catástrofe do Prestige e da mobilización social que a seguiu. Alexandra Cabana, Xan G. Muras, Miguel Muñiz, Alfonso Rego, Xaquin Soliño, Begoña Carballo, Miguel Castro e Xulio Rei cederon as súas imaxes a este proxecto, que se poderá ver ata o vindeiro 15 de xaneiro.