Co título Ruibal. Azul Inmenso Atlántico o Museo Provincial de Lugo acolle ás 19h deste 13 de agosto a inauguración da súa nova exposición. A obra máis recende do pintor e escultor Manuel Ruibal protagoniza a nova proposta do centro, con comisariado de Antón Castro, que estará aberta ata o vindeiro 24 de agosto.
O proxecto "cuxo título nace dos versos dun poema do mesmo artista, ten como obxectivo amosar a obra de Manuel Ruibal dos últimos anos, apéndice dun proxecto de máis de 60 anos de traballo". As esculturas policromadas que compoñen o proxecto artéllanse en dúas instalacións, unha primeira que escolma obras da serie Sobre o mar e a segunda que recolle a serie O debuxo na palabra (Aforismos), acompañadas dun audiovisual sobre o autor.
Segundo sinala Antón Castro na presentación do proxecto, Ruibal, nado en Pontevedra en 1942, revive nesta selección de obras "os momentos intensos da natureza a través dos seus mares, facendo que o cotián se volva transcendente a través da observación e da imaxinación". O comisario sinala que a mostra "céntrase nun percorrido tan simbólico como real que o autor vive física e emocionalmente ao longo dos anos, desde que experimentara as súas primeiras experiencias informalistas e abstractas no mar de San Vicente, ao principiar os anos 70 do século pasado".
Segundo sinala Antón Castro na presentación do proxecto, Ruibal, nado en Pontevedra en 1942, revive nesta selección de obras "os momentos intensos da natureza a través dos seus mares, facendo que o cotián se volva transcendente a través da observación e da imaxinación". O comisario sinala que a mostra "céntrase nun percorrido tan simbólico como real que o autor vive física e emocionalmente ao longo dos anos, desde que experimentara as súas primeiras experiencias informalistas e abstractas no mar de San Vicente, ao principiar os anos 70 do século pasado".
