Delimitación do Camiño Francés á súa chegada a Compostela
O Consello da Xunta do pasado mércores aprobaba a delimitación oficial do Camiño Primitivo a Santiago. O proxecto, segundo o goberno, mantén na maior parte do trazado o percorrido tradicional, agás nos tramos que se considera "perdido ou é irrecuperable", onde a Xunta propón percorridos alternativos que considera acordes "cos valores inmateriais asociados ao camiño, tendo en conta aspectos relativos á súa calidade ambiental, a presenza de elementos patrimoniais, condicións construtivas e lóxica territorial en xeral". O proxecto documenta os tramos nos que hai restos históricos e elementos documentais que verifican a súa relación co Ruta Xacobea.
A proposta de delimitación da Xunta fora amplamente criticada por diferentes colectivos ecoloxistas e culturais integrados no Foro do Camiño Primitivo, sinalando que en diferentes tramos se prioriza a vía nova fronte á orixinal, dando carta de legalidade a apropiacións privadas do terreo do camiño no que denuncian como "fraude".
De xeito paralelo, o Diario Oficial de Galicia (DOG) publica o trazado do Camiño Francés ao seu paso polo Concello de Compostela, aprobado tamén recentemente polo Goberno Galego.
De xeito paralelo, o Diario Oficial de Galicia (DOG) publica o trazado do Camiño Francés ao seu paso polo Concello de Compostela, aprobado tamén recentemente polo Goberno Galego.