A Xunta finaliza a delimitación do Camiño Francés

O Consello de Goberno da Xunta de Galicia aprobaba onte a delimitación do Camiño Francés ao seu paso polo Concello de Santiago. Con esta resolución remata a definición desta ruta xacobea no noso país, logo de que, hai case un ano, se publicase a definición do Camiño Francés no resto da comunidade. O acordo establece con claridade os espazos afectados por perímetros de protección na contorna da vía, e entrará en vigor logo da súa publicación no Diario Oficial de Galicia.