Mapa coa delimitación do trazado e ámbito do Camiño Inglés
O Diario Oficial de Galicia publicaba onte a incoación do procedemento de delimitación do Camiño de Santiago Inglés por parte da Consellaría de Cultura. O proxecto presentado abrangue tanto a variante que sae de Ferrol como a que baixa desde a Coruña cara a Compostela. A partir deste documento estableceranse con exactitude as áreas de protección que afectan a este plan patrimonial. Hoxe comeza o prazo de alegacións á proposta da Xunta. Esta é a terceira delimitación dunha ruta xacobea que se presenta, logo dos camiños Francés e Primitivo. Para comezos de 2013 a Consellaría anuncia a publicación dos expedientes correspondentes ao Camiño Portugués e ao Camiño Norte.
