O Camiño Francés terá trazado oficial antes de que remate o ano

En novembro de 1992, cando Manuel Fraga era presidente, iniciouse un proceso de delimitación do Camiño Francés. Catro anos despois, en 1996, entrou en vigor a Lei de Protección dos Camiños de Santiago que esixía definir ese trazado. Pero a día de hoxe o Camiño Francés, o primeiro itinerario cultural europeo, non ten aínda un percorrido oficial. Onte saía publicado no DOG a proposta de delimitación que cumprirá coas esixencias legais e permitirá protexer este trazado. Co anuncio ábrese o prazo de alegacións á proposta ofrecida pola Xunta, pero co “consenso con todas as partes implicadas”. A idea do goberno galego é aprobar ese trazado antes de finais desde 2010 e iniciar a redacción dun plan especial que protexa o itinerario.