Compostela acolle o vindeiro 27 de novembro a VI Xornada Xustiza e Lingua, organizada polo Servizo de Asesoramento Lingüístico do Colexio de Avogados de Santiago. O emprego do galego na xustiza ou o plan para incrementar a presenza da nosa lingua na facultade de Dereito son algúns dos temas que se abordarán. Para o día 28, a Universidade da Coruña abre as súas IX Xornadas sobre lingua e usos, que se centra desta volta na tradución. A internacionalización da nosa cultura, as políticas de tradución ou os enfoques feministas e poscoloniais nesta tarefa protagonizarán algúns do relatorios. O encontro prolongarase ata o vindeiro día 30.
