A Facultade de Dereito de Santiago quere chegar a un 30 por cento de clases en galego

Chegar a un 30% de horas de clase impartidas na nosa lingua nun prazo de tres cursos académicos. Este é o obxectivo da campaña Témoslle LEI que se presentou na Facultade de Dereito da Universidade de Santiago logo de ser aprobada pola Xunta de Goberno do centro. O proxecto prevé un total de 42 medidas que inclúen accións de formación, incentivos ou apoio á tradución de materiais didácticos entre outras propostas. Durante o curso 2008-2009 o emprego da nosa lingua nas clases de Dereito só chegaba ao 8,67% do total das horas impartidas.