A Universidade da Coruña analizará as relacións de lingua e xénero

Os vindeiros 26 e 27 de novembro, a Reitoría da Universidade da Coruña acolle as VI Xornadas sobre Lingua e usos que organiza o Servizo de Normalización. O encontro, que xa ten aberto o seu prazo de inscrición, centrará a súa atención desta volta na cuestión Lingua e xénero. Datos sociolingüísticos desde esta perspectiva, o sexismo no galego,ou preconceitos das mulleres encol da nosa lingua son algúns dos temas que se van tratar no encontro.