As Xornadas de Lingua e Literatura da AS-PG fan 20 anos

O vindeiro 26 de marzo abre o prazo de inscrición para as XX Xornadas de Lingua e Literatura, que organizan Asociación Socio-Pedagóxica Galega (AS-PG) e mais CIG-Ensino. O encontro, un dos máis veteráns do país arredor destas cuestións, tratará temas coma o decreto para o plurilingüismo, a literatura oral, Uxío Novoneyra ou o a ecoliteratura entre outras cuestións, contando con relatores como Agustín Fernández Paz, Sechu Sende, Celso Fernández Sanmartín ou Rafa Villar entre outros. As Xornadas celébranse en Compostela os vindeiros 9 e 10 de abril.