Unhas xornadas analizarán a aplicación do decreto de plurilingüismo

Analizar a aplicación real do decreto do plurilingüismo e a súa problemática é o eixe que teñen este anos as Xornadas de Eduación e Linguas en Galicia, que organiza a Universidade de Santiago. A facultade de Ciencias da Educación acolle os vindeiros 19 e 20 de outubro o encontro, que baixo o lema A lingua galega e o plurilingüismo contará coa presenza de pedagogos e representantes de centros de ensino, tanto plurilingües como non plurilingües, para debater o grado de implantación desta norma. O prazo de matrícula para o encontro está aberto ata o vindeiro 16 de outubro.