A USC publica as actas das II Xornadas Educación e linguas en Galicia

A planificación para a normalización lingüística nos centros de ensino non universitarios é o título do libro electrónico que se presentaba esta mañá na Universidade de Santiago. A publicación recolle as actas das II Xornadas Educación e linguas en Galicia, que se desenvolveron en decembro de 2010. Entre outros contidos o volume, que está dispoñible integramente en pdf, recolle intervencións que analizan temas como o Decreto para o plurilingüísmo e amosa toda unha serie de experiencias encol da lingua que se desenvolven en centros de ensino de todo o país.