Cartel das IV Xornadas de Literatura de Tradición Oral
Os mouros e as mouras: máxicos enigmáticos da mitoloxía popular é o título que encabeza as IV Xornadas de Literatura de Tradición Oral, que se celebrarán en Lugo os vindeiros 19 e 20 de outubro. O salón de actos da Deputación de Lugo acollerá un evento que abordará cuestións como sexo e poder na cultura popular, os mouros en Asturias ou as relacións entre mouros históricos e mouros míticos. Mar Llinares, Rafael Quintía, Alexandre Parafita ou Antonio Reigosa son algúns dos relatores que participarán no encontro que organiza a Asociación Socio Pedagóxica Galega.
