Son as obras de arte popular máis xenuinas do país. Abondosas en todos os puntos da xeografía, con significacións e representacións diferentes e cunha norma de protección (no marco da Lei de Patrimonio Cultural de Galicia). Por iso, a Asociación de Amigos dos Cruceiros, Cruces de Pedra e Petos das Ánimas promove desde hai anos un congreso arredor deste tema. Esta fin de semana desenvólvese en Lugo a cuarta edición na que se analizarán, entre ourios aspectos, o papel dos cruceiros na plástica galega, o estudo dalgúns deles, os xestos máxicos e lendas arredor da arte popular, asi como estudos dos textos epigráficos.
