O documental "As testemuñas silenciosas" conta as orixes dos cruceiros

O audiovisual está dispoñible ao público ao abeiro do Fondo de proxectos culturais en lingua galega Xacobeo 2021-22

O audiovisual está dispoñible ao público ao abeiro do Fondo de proxectos culturais en lingua galega Xacobeo 2021-22
"As cruces de pedra na Galiza" é o título dunha das obras máis coñecidas de Castelao, un estudo publicado en Bos Aires en 1950, tras a morte do intelectual. Foi tamén o título e tema do seu discurso de ingreso na Real Academia Galega, en xullo de 1934 . Os cruceiros, abundantes e omnipresentes no territorio galego, xa eran daquela obxecto de interese para os nosos máis insignes intelectuais. Agora, ao abeiro do Fondo de proxectos culturais en lingua galega Xacobeo 2021-22, convocado pola secretaría xeral de Política Lingüística ven de difundirse ao público o documental "As testemuñas silenciosas", obra de Arturo Ferreiro Herves na que indaga na orixe e significación do cruceiros galegos. Nesta peza, de case unha hora de duración, faise unha viaxe polos cruceiros máis representativos de Galicia da man de persoeiros especializados na historia, na antropoloxía e no sector cultural, e tamén profundando nos estudos do propio Castelao e de Manuel Murguía. O documental explica orixe e historia dos cruceiros, dos elementos que os compoñen, dos tipos existentes, da súa relación coa toponimia ou de lendas, crenzas e tradicións relacionados con eles.