Detalle da obra de Tiravanija, da exposición "A balea negra"
O 13 de novembro o Museo de arte Contemporánea de Vigo, o MARCO, cumpre dez anos. Unha efeméride que o centro celebra coa exposición titulada A balea negra, aberta hai unhas semanas, que conecta os dous feitos que coinciden nesa dataa: a apertura dun centro de arte como o MARCO e embarrancamento do Prestige. Ademais, seguindo na liña doutros anos, o centro ten previsto unha programación especial que traslada a fin de semana a súa celebración.
Visitas guiadas co propio comisario da exposición, Pedro de Llano; unha charla-conferencia da activista Mavis Müeller sobre o potencial comunicativo e sanador da Arte; a celebración da performance Cue&Review de Andrés Galeano e diferentes obradoiros. Todos arredor da exposición “A Balea Negra” e que serven para festexar ese décimo anivesraio. Para darlle acubillo a toda esta programaicón, o centro renuncia a súa “noite en branco” pero contará cun horario especial que abrirá ata as 3 da madrugada.
