A Axencia Galega das Industrias Culturais (Agadic) deu a coñecer a relación de beneficiarios coa que pecha as axudas deste ano 2012. Nesta ocasión publicou as listaxes da segunda quenda de adxudicacións, que supoñen 450.000 euros (dos 1.290.000 que figuraban na convocatoria) de industrias culturais. Desta volta beneficiáronse 145 proxectos de 49 empresas nas modalidades de apoio á produción escénica, acceso ao crédito bancario, actividade das salas teatrais, distribución de espectáculos e asociacionismo profesional.
