A Academia convoca os Mestre Mateo 2013 que reordena as súas categorías

Os premios Mestre Mateo 2013 (que premian as producións emitidas en 2012) comezan a súa andaina. A Academia Galega do Audiovisual fixo públicas hoxe as bases que presentan varias novidades. En primeiro lugar, reordenan as categorías de longametraxes, series e curtametraxes de tal xeito que as súas subcategorías (animación, imaxe real ou para televisión) se manterá ou non en función do número de producións que se presenten. De tal xeito, se non hai un número mínimo de tres producións, competirán todas no mesmo epígrafe. Adiántase tamén os prazos, así o prazo de recepción de obras abre do 5 ao 23 de novembro. Os premios entregaranse no mes de marzo de 2013.

O calendario

O calendario da XI edición dos Mestre Mateo as votacións é o seguinte

5 novembro de 2012: Apertura do prazo de recepción de candidaturas.
23 novembro de 2012 (14.00h): Peche do prazo de recepción de candidaturas.
10 decembro 2012: Publicación de candidaturas aceptadas e apertura do período de
legacións.
14 decembro 2012. Peche do prazo de alegacións dos socios/as ao listado
provisional de candidaturas aceptadas.
Primeiros 10 días de xaneiro 2013: Publicación do listado definitivo de candidatos.
30 xaneiro 2013: Fin da 1ª rolda votacións.
26 de febreiro de 2013: Fin da 2ª rolda de votacións (antes de comezar a segunda
rolda de votacións farase público os nominados en cada categoría).
Marzo 2013: Gala dos Premios Mestre Mateo 2013.