"As potencialidades das industrias culturais para xerar desenvolvemento, tanto económico como social" son o eixe do Foro Cultural 2012, que se celebrará en Pontevedra no marco da Feira das Industrias Culturais entre o 30 de novembro e o 2 de decembro. O encontro Compartindo multiplicamos. Mesa de traballo para Axentes Culturais reunirá a profesionais do sector como Jordi Durán, Cristina Alonso ou Margarita Troguet ata un total de vinte persoas en torno a dez mesas. De xeito paralelo, celebrarase a xornada Ferramentas TIC e multimedia nas aulas, unha visión práctica que se centrará na comunidade educativa e amosará a experiencia de diferentes proxectos en curso neste ámbito.
