Sarria acolle o I Congreso Internacional de Observadores de Nubes

Como se forman as nubes, o mellor xeito de as fotografar ou as crenzas populares sobre elas son algúns dos temas que se tratarán no I Congreso Internacional de Observadores de Nubes. A Granxa Escola de Barreiros, en Sarria, acolle este encontro que pretende pór as bases para a creación da Asociación Española de Observadores de Nubes. O programa inclúe un concerto de Benxamin Otero, Pablo Pascual e Germán Díaz, unha exposición de pintura e voos cautivos para ollar as nubes de máis preto entre outras actividades.