Imaxe de presentación de Matadoiro 1983
Ás 19 horas de hoxe abre as súas portas Matadoiro 1983, unha ambiciosa exposición artística que concentra a actividade para outono do Museo do Mar de Galicia, en Vigo. O pintor Amando é o protagonista dunha mostra que recupera a súa serie pictórica Vacas e que se complementa con fotografías de documentación do proceso creativo destas obras, realizadas nos anos oitenta e pezas inéditas. O proxecto complétase coa proxección do documental La mirada del pintor realizado de xeito específico para esta actividade, e co seminario Tenme conta desta punta que analizará a evolución da Historia da Arte nos últimos 35 anos.
Un ciclo de cinema e actividades para nenos completan esta iniciativa, que aproveita o feito de estar o museo situado no antigo matadoiro da Cidade Olívica.
