Preséntase A visitadora de cárceres, telefilme sobre Concepción Arenal

A avogada e escritora Concepcion Arenal (1820-1893) traballou como visitadora de cadeas e coa súa experiencia escribiu un volume, que está na base da reforma do sistema penitenciario estatal. Esta época é a que recolle A visitadora de cárceres, un telefilme que producen Zenit Televisión e Distinto Films e coa coproducción de Televisión Española, Televisión de Galicia e Televisió de Catalunya, O filme preséntase este mércores 3 de outubro no Teatro Jofre de Ferrol, con entrada de balde.

Blanca Portillo é a actriz que encarna a vida de Concepción Arenal e conta no elenco con actores galegos como Mabel Rivera, Xosé Barato, Luísa Merelas ou Isabel Naveira. O filme rodouse en varias localidades da Coruña, e no castelo de San Felipe de Ferrol e o mosteiro de Santa Catalina de Ares. A visitadora de cárceres insírese na liña de traballo de Zenit sobre a biografía de grandes personalidades femininas de Galicia que arrincou en 2011 con Emilia Pardo Bazán e que está a preparar outro sobre Rosalía de Castro para o ano 2013.

O filme emitirase na TVG neste 2012, mentres que TVE prepara a súa estrea para o vindeiro 8 de marzo, no marco da programación do 8 de marzo de 2013.