A coñecida rede social Twitter terá versión en galego. Logo dunha intensa campaña de reivindicación con este fin nos últmios meses, os responsables desta aplicación abrían esta madrugada o seu centro de traducións á nosa lingua. Un grupo de voluntarios iniciaron xa o traballo para contar cunha versión galega, que se agarda estea dispoñibel en breve. A campaña a prol dun Twitter en galego acadara un grande eco social.
