A Universidade de Vigo encabeza unha campaña a prol do plurilingüísmo

“Europa é plurilingüe, quen sabe galego sabe máis”, é o lema da campaña a prol da aprendizaxe de idiomas que acaba de presentar o Observatorio de Sociolingüística da Universidade de Vigo. Canda a eles, os concellos de Pontevedra, Ourense e Vigo sumáronse a esta iniciativa que quere incidir especialmente en explicarlle polo miúdo á comunidade educativa a aplicación do decreto de galeguización do ensino. Textos e charlas con especialistas en sociolingüística son algunhas das accións previstas.