Sindicatos de profesores e estudantes, organizacións de renovación de pedagóxica e asociacións de pais e nais, entre outros colectivos, promoverán unha folga xeral do ensino no caso de se derrogar o Decreto de Galeguización. A plataforma Queremos galego anunciou onte que asumirá esta folga e que desenvolverá ademais outras medidas dirixidas ao conxunto da sociedade, segundo anunciou onte o seu representante Fran Rei. Desde o sindicato CIG-Ensino, Anxo Louzao denunciou o incumprimento completo das medidas previstas nese decreto e a ausencia dun plan de formación para o profesorado de cara á aplicación do mesmo.
