O Museo de Lugo presenta Pequeamigos, un club para público infantil

Os catro museos que fan parte da Rede Museística da Deputación de Lugo acaban de presentar Pequeamigos da Rede. Trátase dun club para público infantil que ofrecerá actividades permanentes nos seus espazos. Cada membro contará cun carné identificativo e o acceso ao programa de actividades, aínda pendentes de discusión. A proposta xorde logo da boa acollida das actividades destinadas a este público durante o verán (Obradoiros como Enrédate na Rede e de Deseño e Moda, campamentos de arqueoloxía e xustas a cabalo) nas que participaron uns 200 rapaces.

A rede museística dependente da Deputación de Lugo inclúe a catro centros: o Museo Provincial de Lugo, Museo Provincial do Mar, Museo-Fortaleza San Paio de Narla e o Pazo de Tor.