Os museos abrirán de madrugada para celebrar a Noite dos Museos

O domingo, despois da celebración do Día das Letras Galegas, conmemórase a “Noite dos Museos”, unha efeméride que quere achegar este tipo de centros á cidadanía. A actividade común á maior parte dos museos é a de abrir as súas portas ata a madrugada estes días, como farán os que pertencen ao Ministerio de Cultura e os da rede museística provincial da Deputación de Lugo. Estes últimos teñen tamén unha semana repleta de actividades que van desde exposicións ata proxeccións audiovisuais e algún concerto.