Morre Avelino Pousa Antelo

O intelectual, xornalista e galeguista Avelino Pousa Antelo morreu esta madrugada na súa casa. Trala morte de Fernández del Riego, Isaac Díaz Pardo e Xaime Isla, Pousa Antelo era o último representante das Mocidades Galeguista e do Partido Galeguista dos anos 30 do século pasado. Renovador do ensino, galeguista, defensor do idioma e agrarista convencido (do que foi investigador e defensor a ultranza do cooperativismo). Articulista incansable, presidente da Fundación Castelao, vicepresidente da Fundación Fernández Florez e vogal doutras entidades como a Pedrón de Ouro e Alexandre Bóveda. A capela ardente cos seus restos quedará instalada no Centro Cultural da Ramallosa en Teo, mañá martes (de 10:00 a 19:00 horas).