O galeguista e intelectual Avelino Pousa Antelo gañou o VII Premio Ramón Piñeiro "Facer País" que foi presentado hoxe á mañá en Santiago de Compostela. O xurado tivo que valorar as corenta candidaturas presentadas, e escolleu ao galeguista Pousa Antelo pola súa "entrega permanente ó país como galeguista, docente, cooperativista, escritor, político e animador cultural". Agora, a organizadora do premio, a Asociación Val de Láncara, preparará os actos de homenaxe ao gañador.
En anteriores edicións do premio, o xurado premiou tamén a coñecidas personalidades da cultura galega como Díaz Pardo, Luís Tosar, Milladoiro, Xosé M. Beiras, Neira Vilar e A Nosa Terra.
