Peneiramos nos arquivos de culturagalega.org, para localizar as reportaxes que dan conta das decisións, proxectos, acertos e fracasos da industria cultural galega. Nesta cuarta entrega, centrámonos nas actividades desenvolvidas polas entidades, axentes e protagonistas da chamada industria cultural. Unha escolma temática das reportaxes publicadas entre 2002 e 2012. Esta é a cuarta das antoloxías, que se poden descargar de balde, que contan coa edición dixital de Carlos García Moreno-Torres (edición electrónica) con portadas de Miguel Alonso.
