Desde a fundación de culturagalega.org, no ano 2000, a liña editorial da plataforma pasa moito polo concepto de Así se fixo, como nas películas, pero aplicado a toda a cultura. O obxectivo non era tanto preguntar polo resultado final dun festival, dunha iniciativa empresarial cultural ou do traballo de asociacións veteranas senón coñecer como conseguen facer o que fan. É dicir, compartir xeitos de traballar, de crear e de construír. A escolma de hoxe en libro electrónico explora interesantes accións, iniciativas e proxectos culturais galegos dos últimos dez anos desde dentro, directamente desde os seus creadores. Un traballo de Cristina Mouriño na edición e Carlos García Moreno-Torres na produción editorial.
