Políticas culturais: antoloxía de culturagalega.org

Peneiramos nos arquivos de culturagalega.org, para localizar as reportaxes que dan conta das decisións, proxectos, acertos e fracasos da políticas culturais galegas. Nesta cuarta entrega, centrámonos nas actividades desenvolvidas polas entidades, axentes e protagonistas encargados de rexer e impulsar a cultura coas súas leis, normas, proxectos e programas. O Plan Galego das Artes Escénicas, os informes sobre o sector cultural ou a integración da consellaría de Cultura en Educacion son algunhas das reportaxes seleccionadas entre as publicadas neste medio na última década (2002-2012). A edición electrónica das antoloxías foi a cargo de Carlos García Moreno-Torres, con portadas de Miguel Alonso.