Imaxe promocional de Pretty Deadly
A debuxante galega Emma Ríos publicará o vindeiro ano o seu primeiro traballo na editora Image. Pretty Deadly será un western protagonizado por unha asasina con marcadas cicatrices na cara e conta con guión de Kelly Sue DeConnick, con quen Ríos xa colaborara noutros proxectos na editora Marvel. Antes desta obra, aínda pendente de concretar formato e extensión, verán a luz nesta firma novos traballos da debuxante cos personaxes de Dr. Strange, e da Capitá Marvel, da que Ríos debuxa os dous últimos números, tamén con guión de DeConnick.
Segundo adianta Ríos do seu novo traballo, Pretty Deadly é un proxecto de autor no que as dúas artistas gozarán de total liberdade creativa. Ademais, o modelo de contrato de Image permitiralles manter os dereitos de explotación sobre os personaxes da obra.
