A Axencia Galega das Industrias Culturais (AGADIC), en colaboración co Theatro Circo de Braga e a entidade Turismo do Porto e Norte de Portugal presentaban onte o proxecto da plataforma que pretende favorecer o intercambio de actividades culturais entre Galicia e o Norte de Portugal. O fluxo de información e a promoción conxunta serán os principais campos de acción dun proxecto que pretende favorecer a mobilidade do público entre as dúas bandas da fronteira. A iniciativa arrinca desde a unidade de produción teatral de AGADIC e nos vindeiros meses prevese estendelo a outros ámbitos.
