Varios proxectos de parques eólicos afectan ao patrimonio cultural

Nestes días, varios proxectos de parques eólicos están sendo sometidos a exposicion pública. Alcaldes e colectivos das zonas afectadas están advertindo que os parques eólicos están afectando a todo tipo de elementos do patrimonio cultural. Desde mámoas a petróglifos ou o propio Camiño de Santiago. Deste xeito, o Parque "Coto Frío", que afecta aos concellos do Irixo e Piñor, recibiu alegacións do primeiro concello en virtude de que afectan, entre outros ámbitos, a mámoas e petróglifos no contorno do Camiño de Santiago. En Teo, o concello oponse á constitución do parque eólico de Monte Piquiño, no que a corporación municipal estima que serán afectados 93 elementos arqueolóxicos.