O centro de estudos Chamoso Lamas puxo en marcha onte o VIII Congreso do Home e do Medio, centrado na investigación e reflexión en tempos de crise. O congreso contará con numerosas intervencións de investigadores locais ao redor do patrimonio local e a historia das comarcas do Carballiño e do Ribeiro. Ata o 19 de maio. Desde relatorios sobre arte prerrománico, lagares rupestres, arte prehistórica ou os dereitos feudais, ata intervencións sobre os procesos de industrialización da comarca ou mesmo sobre a presenza do cantante de Pink Floyd Syd Barrett no mosteiro de Oseira encherán as propostas deste congreso que se celebrará ata mañá no Hotel Arenteiro do Carballiño.
