Nun momento no que a Facultade de Belas Artes de Pontevedra ten un 70% de alumnado feminino, a Unidade de Igualdade da Universidade de Vigo, da man de Mar Caldas e Almudena Fernández, organiza as xornadas Pasado e presente das artistas. O contexto galego. A Casa das Campás da Cidade do Lérez acolle os vindeiros día 15 e 16 de maio o encontro, no que se tratarán cuestións como Estratexias feministas nas artes visuais, Exposicións de mulleres en Galicia: apuntes para a reflexión ou o debate entre xeracións da man de Pamen Pereira, Montse Rego e Victoria Dieh.
O encontro coincide coa celebración das xornadas Da arte feminina á arte feminista que está a organizar, desde o pasado 23 de abril a galería A.dfuga e que finalizan o vindeiro día once.
