Tempo de namorar no instituto

Ao longo de toda a semana, os alumnos do IES A Cachada de Boiro están a representar ante o mundo unha versión da historia de Romeo e Xulieta. A compañía Chévere coordina o proxecto Amores Prohibidos 2.0, que mestura o teatro, as redes sociais e o traballo encol da lingua. Con Montescos que falan en castelán e Capuletos que optan polo galego, festas estudantís como puntos de encontro e unha trama aberta, o proxecto pode seguirse a través da rede ao longo de toda a semana.

O web Redenasa, perfís en redes sociais como Tuenti, vídeos en Youtube, extractos de chats, fotografías e comentarios son algúns dos medios polos que podemos seguir unha trama que conta con visitas como a de Tonhito de Poi ou os actores da serie Matalobos.