Logo do programa Imagina Atlántica
Jano, Dani Montero, David Rubín, Santy Gutiérrez, Iván Suárez, Sergio Covelo ou Idoia de Luxán son algúns dos beneficiarios das bolsas que convocou a Deputación de Ourense para visitar Angoulême. Os autores de banda deseñada fixéronse coa maior parte destas axudas que os levarán catro días á cidade francesa, onde visitarán industrias e institucións vencelladas á animación e á BD e terán encontros con directivos destes ámbitos. As bolsas fan parte do programa europeo Imaxina Atlántica.
