Preséntanse as XXI Xornadas de Banda Deseñada de Ourense

A Casa da Xuventude da Cidade das Burgas acolleu esta mesma mañá a presentación das XXI Xornadas de Banda Deseñada de Ourense. Entre o 1 e o 18 de outubro de 2009 diferentes localizacións da cidade acollerán exposicións (David Rubín, Juanjo Sáez, Miguel Brieva ou colectivas de autores galegos), presentacións, obradoiros de creación a cargo do Lab·Ou, e a proxección do filme de animación Vals con Bahir entre outras propostas. A actividade comeza o vindeiro día 1 coa entrega dos premios GZ Crea e do Premio Ourense de Banda Deseñada, que foi este ano para El Patito Editorial.