Alberto Vázquez
Esta mesma mañá, a Casa da Xuventude de Ourense acolle a apertura das vixésimas Xornadas de Banda Deseñada que se celebra nesta cidade. Ata o vindeiro día 19 presentacións, exposicións, proxeccións de cinema e actividades achegarán o mundo dos cadriños á Cidade das Burgas nesta cita xa clásica. O programa deste ano non podía pasar por alto o aniversario, e entre as propostas hai unha exposición cos carteis destas dúas décadas de actividades. Coñece estas obras que fan parte da historia da banda deseñada galega na nosa galería.
