Unha semana de lápices, cores e recadros rematará mañá sábado en Ourense logo de ter atinxido un grande éxito de público. Organizadas polo colectivo Phanzynex e a Casa de Xuventude da cidade, as dez exposicións, o cicle de cinema e as mesas redondas desta Festa Galega do Comic congregaron a un importante número de afeccionados á novena arte.
Reparto de exposicións
Foron varios os recintos da cidade que albergaron actividades das xornadas. Así, das dez exposicións organizadas o Museo Municipal acolleu catro con traballos feitos en Galicia ("Historia do Blues" , "Ustedes Perdonen" e "Cita en la Habana"). Pola súa banda, na Casa da Xuventude puidéronse observar orixinais de Miguel Anxo Robledo, unha selección de debuxantes portugueses e a Expofancines 2000, que amosa máis de 1.500 títulos de publicacións deste tipo entre outros.
Cinema e actividades
Dentro do ciclo que se veu desenvolvendo sobre cinema e banda deseñada destaca a longametraxe xaponesa "Perfect Blue", que se estrena no estado, e o corto de animación "Supermaño", de Alberto Calvo. Tamén estará aberto ata mañá o mercadiño de comics na casa da Xuventude. Outro dos puntos destacados destas xornadas foi a publicación do séptimo número do "O Fanzine da Xornadas", que inclúe obras de artistas nacionais e estranxeiros.
