AGADIC anima o emprendemento nas industrias culturais

Este mércores, 18 de abril, comezan na Facultade de Ciencias da Comunicación da Universidade da Coruña as Xornadas de Emprendemento nas Industrias Culturais. Este encontro, coordinado pola Axencia Galega das Industrias Culturais percorrerá tamén Compostela, Pontevedra e Ourense, e amosará exemplos de iniciativas empresariais neste ámbito. Deste xeito, propostas como a innovación na cerámica de Gundivós, o sector turístico vencellado á cultura, o traballo na música do colectivo Sinsalaudio ou as propostas de innovación no campo audiovisual de Innoav son algunhas das iniciativas que se poderán coñecer no encontro.