Imaxe de Sobre la escultura. Diego Santomé.
Miguel Von Hafe, director do Centro Galego de Arte Contemporánea, é o comisario de Gravity and Disgrace Ep. 1. A mostra, que abría as súas portas o pasado 30 de marzo, achega traballos de Manuel Eirís, Carla Filipe, Marlena Kudlicka, Paloma Polo e Diego Santomé tentando reflexionar sobre a inestabilidade propia da sociedade contemporánea. Os vídeos, esculturas e fotografías dialogan ata o vindeiro 1 de xullo no que é só o primeiro capítulo dunha serie de propostas expositivas entrelazadas.
