Aínda que o proxecto comezou a se xestar na altura de 2006, é este sete de abril cando abrirá as súas portas en Corme o Museo de Artes Contemporánea Costa da Morte. O centro achega unha colección de obras maioritariamente producidas por artistas que se achegaron á comarca dentro do programa de bolsas da Fundación Torre-Pujales. Esta entidade, presidida por Cristina Torre, viúva do pintor Julio Pujales, é a responsable da iniciativa, que acolle tanto pinturas como esculturas ou fotografías.
De cara a vindeiras datas, o centro pretende promover conferencias, encontros artísticos e outras actividades de dinamización cultural en Corme.
